د بلوچستان صوبې چارواکي وايي، چمن ته نېږدې په کلا عبدالله سیمه کې د اکتوبر پر اته په یوه چاودنه کې پنځه امنیتي سرتېري ژوبل شوي دي.
د لیویز ځواک سرچینې وايي، چاودنه هغه مهال وشوه چې د امنیتي سرتېرو ګاډی د ګزمې په حال کې له سیمې څخه د تېرېدو په حال کې و.
د بلوچستان وزیراعلی جام کمال پر امنیتي سرتېرو د برید دغه پېښه په سختو ټکو کې غندلې ده.
د بلوچستان چارواکي همدا راز خبر ورکوي چې د ګلستان سیمې په حبیب زۍ کلي کې پرون امنیتي ځواکونو د استخباراتي معلوماتو پر اساس په یوه چاپه کې دوه ځانمرګي جاکټونه، وسلې، مردکۍ او نور مهمات نیولي دي.
چارواکو د کوم مشکوک تن د نیول کېدو په اړه څه نه دي ویلي.