انډونیزیا نن دوشنبه له نړیوالې ټولنې وغوښتل چې د دغه هېواد له څونامې ځپلیو سره دې د ژغورنې او بنیادي اړتیاو په لړ کې مرسته وکړي.
د انډونیزیا ولسمشر یوکو ویډوډو وویل، د نړېدلو ودانیو تر کنډکپرو لاندې د ژوندیو کسانو د را-اېستلو لپاره درنو او جدیدو مشینونو ته اړتیا لر
درې ورځې مخکې د ریښتر په کچه ۷،۵ درجې زلزلې او څونامي د سولاویسي په ټاپو کې لږ تر لږه ۸۳۲ کسان ووژل.
د انډونیزیا ولسمشر ویلي چې څونامې ځپلې سیمه د سونګ توکیو، برېښنا او خوړو له کمښت سره مخامخ شوې ځکه چې ډېری دوکانونه د دغه طبیعي ناورین له کبله تړل شوي دي.
بلخوا نن د سلګونو وژل شویو کسانو د ښخولو لپاره قبرونه وکیندل شول. څونامې تر ټولو زیات خلک د سولاویسي ټاپو په پاولو ښار کې وژلي دي.
چارواکو ویلي چې تر اوسه د دې ټاپو ډېرو سیمو ته لارې نه دي پرانیستل شوي.
سور صلیب اټکل کوي چې دغه ناورین به یو میلیون او ۶ سوه زره کسان زیانمن کړي وي.