په پاکسنان کې د مېشتو افغان کډوالو خپل هیواد ته ستنېدنه د سږ کال تر ۳۰ جون پورې ځنډول شوې ده.
په پاکستان کې د ملګرو ملتونو د کډوالو ادارې – یو این ایچ سي ار – ویلي چې په پاکستان کې د راجسټر افغان کډوالو د بيا ستنېدو نېټه يې د روان کال د جون مياشتې تر ۳۰مې نېټې پورې غځولې ده.
د یادې ادارې وياند قيصر اپريدي د سه شنبې په ورځ مشال راډیو ته وویل چې دا پرېکړه د پاکستان وفاقي کابينې په تېره مارچ مياشت کې کړې وه.
ده وویل ، اداره یې له دې کډوالو سره د مرستو لپاره ټولې لارې چارې لټوي خو لا هم لوی شمېر افغان کډوال په پاکستان کې ژوند کوي
قیصر اپرېدي زیاته کړه چې له تېر کال ډيسمبر څخه د روان کال د فبروري تر ۲۸مې نېټې د بلوچستان په کوټه او د خېبر پښتونخوا په نوښار کې د کډوالو د بيا ستنېدو مرکزونه تړل شوي ول خو د ژمې له دمې وروسته د مارچ له لومړۍ نېټې څخه بيا تر اوسه شاوخوا ۲۰۰۰ کسان په خپله خوښه افغانستان ته ستانه شوي دي.
د ده په وینا ،له ۲۰۰۲م کال څخه تر اوسه شاوخوا ۴۳ لکه افغان کډوال خپل هېواد ته ستانه شوي دي او دا لړۍ اوس هم روانه ده.