په ملاکنډ ډوژن کې د کسټم اېکټ يا ګمرکونو قانون پر ضد د چارشنبې په ورځ ددې ډوژن په اوه واړه ضلعو کې د سياسي ګوندونو او نورو سوداګريزو اتحاديو په غوښتنه کاربنديز وشو.
څه موده وړاندې صوبايي اېپکس کميټۍ په غونډه کې چې پکې د پېښور کور کمانډر ، د خېبر پښتونخوا وزيراعلی او ګورنر ګډون کړی وو ملاکنډ ډوژن ته د کسټم اېکټ غځولو وړاندېز شوی وو.
له دې وروسته د صوبايي حکومت په سپارښتنه ګورنر د کسټم اېکټ پر قانوني مسوده لاسليک وکړ.
خو د سوات، شانګلې، بر او کوز دير، بونېر، ملاکنډ او چترال ضلعو سياسي ګوندونو، سوداګرو او نورو سازمانونه دا حکومتي ګام رد کړ او په ضد يې احتجاج کوي.
د مشال تر رڼا لاندې بحث کې له ميلملنو سره ددې قانون پر مختلفو اړخونو خبرې شوې دي.
له سواته د صوبايي اسمبلۍ غړی او د واکمن تحريک انصاف ګوند د صوبې مشر ډاکټر حېدر علي، د جميعت علما اسلام يو مشر مولانا ګل نصيب، د سوات هوټلونو اتحاديې پخوانی مشر زاهد خان او څېړونکی فضل مولا زاهد د بحث ګډونوال دي.
خپرونه لاندې اورېدای شئ
ستاسې سېسټم د HTML5 په چلولو کې ستونزه لري.
پښتونخواحکومت کسټم اېکټ منسوخولو هڅه کوي:حېدر علي