د پېښور بډه بېرې کې د هوايي ځواک پر استوګنځي برید
ستاسې سېسټم د HTML5 په چلولو کې ستونزه لري.
د پاکستان پوځ ویاند مېجر جنرال عاصم باجوه نن پر ټوېټر په خپلو بیانونو کې وویل، وسله والو سهار وختي د بډه بېرې هوايي اډې د ساتونکو پر خونه برید وکړ. د ده په وینا، د وسله والو یوې ډلې په برید کې د سهار لمانځه پر مهال ۱۶ کسان وژلي دي.
د پېښې یو لیدونکی یار محمد وايي، ګهیځ وختي مهال یې د ډزو او چاودنو غږونه واورېدل، نو له کوره بهر ووتلی، خو کله چې غږونه زیات شول، نو په دغه پوځي مرکز کې له یوه کارکوونکي چې کور خوا ته مې اوسېږي، له هغه مې وپوښتل نو ویل یې طالبانو برید کړی دی.