د لشکر جنګوي مشر وژنه، یوه پېښه او که په تګلاره کې بدلون؟
ستاسې سېسټم د HTML5 په چلولو کې ستونزه لري.
د پاکستان په پنجاب صوبه کې نن د چارشنبې پر ورځ د لشکر جنګوي مشر ملک اسحاق هغه وخت ووژل شو کله چې دی د پوليسو په ولکه کې وو او د ځينو موټر سایکل سپرو ورباندې ډز ې وکړې.
پوليس ادعا کوي، برید کوونکو هڅه کوله چې ملک اسحاق د دوی له ولکې خلاص کړي.
په دې نښته کې د نوموړي دوه زامن او يوولس نورکسان وژل شوي دي.
ملک اسحاق ۱۴کاله بند تېر کړی او پر نوموړي تور وو چې د شییعه ګانو په وژنو کې لاس لري.
کارپوهان د ده وژنه لويه پېښه ګڼي او ځينې سوالونه راپورته کوي چې دی ولي ووژل شو، څه اغيز به وي او آیا دې ته د رياست د پاليسو د بدلون په سترګه کتل کېدلی شي او که څنګه؟ دا او ورسره نوري پوښتنې د مشال تر رڼا لاندي کې څيړو.