په کابل کې د پاکستان و افغانستان یولسمه پارلماني غونډه
ستاسې سېسټم د HTML5 په چلولو کې ستونزه لري.
د پاکستان او افغانستان د پارلماني غړو ترمينځ دوه ورځنۍ غونډه به سبا په کابل کې پېلېږي. په غونډه کېد گډون لپاره د پاکستاني پارلمان یو ديارلس کسیزه پلاوی چې مشري یې سېنېټر افراسياب خټک کوي نن ددوشنبې پر ورځ کابل ته روان شو.
دغه غونډه د پاکستان یوې غیر سرکاري ادارې پیلډاټ لخوا جوړه شوي.
د دغه غونډي په اړه سینیټر افراسیاب خټک وایي، دا د پاکستان او افغانستان د پارلماني غړو یولسمه غونډه ده او څوک دې دا نه وايي، چې دا تشې غونډې دي او خبرې به یې باد یوسي بلکې د دواړو هېوادونو پارلماني غړي د همدغونډو خبرې خپلو پارلمانونو ته د لا نور بحث لپاره وړي.
تر دې وړاندې هم د پاک افغان د پارلماني غړو لس غونډي په کابل او اسلام اباد کي تر سره شوي دي.