د افغانستان په پلازمېنه کابل کې يو ځان وژونکي بریدګر د يوه قومي مشر د وژلو هڅه کوله چې د امنيتي ځواکونو په ډزو ووژل شو.
د افغانستان په پلازمېنه کابل کې يو ځان وژونکي بریدګر د يوه قومي مشر د وژلو هڅه کوله چې د امنيتي ځواکونو په ډزو ووژل شو.
افغان پوليس وايي، دغه ځان وژونکي بریدګرغوښتل د بغلان ولايت د يوه قومي مشر محمد علم پر کور حمله وکړي. نوموړی د طالبانو یو له مهم مخالفو قومي مشرانو ګڼل کيږي.
د کابل ولایت د امنیه قوماندانۍ له جنايي جرمونو سره د مبارزې رييس سید ګل اغا هاشمي وويل، دغه حمله کوونکى پرون په ډزو په داسې وخت کې ووژل شو، چې هڅه يې کوله د کابل په لوېديځ کې د قومي مشر محمد علم کور ته دننه شي.
ښاغلى هاشمي وايي، حمله کوونکى چې پلى روان و؛ نه دى توانېدلى چاودنه وکړي، ځکه چا ته نور زيان نه دى اوښتى.