د پاکستان او افغانستان حکومتي مشران او نور لوړپوړي چارواکي چې کله هم د يو بل د هيواد په سفر ځي نو نه یوازې د دواړو حکومتونو چارواکي بلکې د سیاسي چارو کارپوهان هم هر ځل دا خبره کوي چې داځل دا سفر ډيرمهم دی.
هم داسې د پاکستان د وزيراعظم نواز شريف د دې سفر په اړه ویل کېږي چې د شنبې په ورځ یې کابل ته وکړ. خو پوښتنه دا ده چې ایا په رښتيا هم دغه سفر هم دومره مهم او ګټوردی لکه چې په اړه یې خبري کيږي او که نه؟
د مشال راډیو خبریال عبدالحي کاکړ دا پوښتنه په امريکا کې ميشت د افغانستان او پاکستان د چارو له کارپوه ډاکټر عاصم يوسفزي څخه کړېده.
