رپورټ: پامیر ساحل، مشال راډیو
جنوبي سوډان د نړۍ تر ټولو نوی هېواد جوړ شوی دی.
د برېتانیې ټیليګراف ورځپاڼه لیکي له سهاره د جنوبي سوډان په پلازمېنې جوبا کې خلک د خپلواکۍ لمانځلو لپاره راغونډ شوي ول.
جنوبي سوډان د ځمکې پر سر تر ټولو نوي مګر ډېر زیات وروسته پاتې، جګړه ځپلي او غریب هېواد په توګه مخې ته راغلی دی.
جنوبي سوډان د تېلو لویې ذخیرې لري خو هغه لا نه دي کارول شوې.
د جنوبي سوډان د خلکو د ازادۍ د غورځنګ عمومي سېکرتر پګن اموم وايي: ((د جنوبي سوډان بیرغ یې پورته کړی چې د نړۍ په هېوادونو کې یې ورګډ کړي.))
یوې ۲۸ کالنې ښځې میري اجا ټیلي ګراف ورځپاڼې ته ویلي بېګا ټوله شپه نه ده ویده شوې.
نوموړې وايي بېګا یې نڅا کوله، سندرې یې ویلې او د خپلې خپلواکۍ لپاره یې د خدای ستاینې کولې.
بي بي سي لیکي د جنوبي سوډان په پلازمېنې جوبا کې لمانځغونډې روانې دي او د سوډان ولسمشر عمر البشیر او د ملګرو ملتونو عمومي سېکرتر بان کي مون هم په کې برخه اخیستې ده.
سوډان تر دې مخکې لومړۍ هېواد شو چې خپل ګاونډي جنوبي سوډان یې رسماً وپېژنده.
د جنوبي سوډان خپلواکي له شمالي هغه سره د لسیزو تر شخړې وروسته ممکنه شوې ده چې له کبله یې ۱۵ لکه خلک ووژل شول.
په ۲۰۰۵ز کال کې د سولې د تړون ترمخې سږکال د جنورۍ له نهمې تر ۱۵مې ټولپوښتنه یا نظر پوښتنه وشوه، چې تر مخې یې د بي بي سي په خبره: (( ۹۸،۸۳ فیصده جنوبي سوډانیانو د خپل خپلواکه هېواد په حق کې رایه ورکړه.))
بېګا د شپې په دولس بجې د خپلواکي خوشالۍ لمانځل پیل شول او بیا په ټیلي وېژن نوی ملي سرود یا قامي ترانه وغږول شوه.
جنوبي سوډان د نړۍ ۱۹۳ هېواد جوړ شو چې ملګرو ملتونو رسماً پېژندلی دی او په افریقا کې د ملګرو ملتونو ۵۴ غړی شو.
نیو یارک ټایمز ورځپاڼه لیکي جنوبي سوډان د افریقا د پرمختلونکیو هېوادونو په آخر کې دی او دلته زیاتره خلک له یوه امریکايي ډالره کمې پیسې ګټي.
د نړیوال بانک له معیار سره سم: ((په نړۍ کې د غربت کرښه، د ورځې په سر، د یو امریکايي ډالر له ګټې سره سمه ده؛ هر کس چې په ورځ کې، له یو ډالره کمې پیسې ګټي نو د غربت تر کرښې ښکته دی.)) مانا دا چې په جنوبي سوډان کې زیاتره خلک زښت غریبان دي.
نیو یارک ټایمز ورځپاڼه لیکي، په جنوبي سوډان کې ۱۰ فیصده ماشومان د پینځو کالونو عمر ته نه رسېږي او تر هغې مخکې مري.
ورځپاڼه زیاتوي: ((په دې هېواد کې ۷۵ فیصده بالغان لیک لوست نشي کولای.))
جنوبي سوډان د نړۍ تر ټولو نوی هېواد جوړ شوی دی.
د برېتانیې ټیليګراف ورځپاڼه لیکي له سهاره د جنوبي سوډان په پلازمېنې جوبا کې خلک د خپلواکۍ لمانځلو لپاره راغونډ شوي ول.
جنوبي سوډان د ځمکې پر سر تر ټولو نوي مګر ډېر زیات وروسته پاتې، جګړه ځپلي او غریب هېواد په توګه مخې ته راغلی دی.
جنوبي سوډان د تېلو لویې ذخیرې لري خو هغه لا نه دي کارول شوې.
د جنوبي سوډان د خلکو د ازادۍ د غورځنګ عمومي سېکرتر پګن اموم وايي: ((د جنوبي سوډان بیرغ یې پورته کړی چې د نړۍ په هېوادونو کې یې ورګډ کړي.))
جوبا: د جنوبي سوډان په پلازمېنه جوبا کې یوه ښځه د لمانځغونډې پر مهال دودیزه افریقايي نڅا کوي. د ۲۰۱۱ز کال د جولای اتمه
یوې ۲۸ کالنې ښځې میري اجا ټیلي ګراف ورځپاڼې ته ویلي بېګا ټوله شپه نه ده ویده شوې.
نوموړې وايي بېګا یې نڅا کوله، سندرې یې ویلې او د خپلې خپلواکۍ لپاره یې د خدای ستاینې کولې.
بي بي سي لیکي د جنوبي سوډان په پلازمېنې جوبا کې لمانځغونډې روانې دي او د سوډان ولسمشر عمر البشیر او د ملګرو ملتونو عمومي سېکرتر بان کي مون هم په کې برخه اخیستې ده.
سوډان تر دې مخکې لومړۍ هېواد شو چې خپل ګاونډي جنوبي سوډان یې رسماً وپېژنده.
د جنوبي سوډان خپلواکي له شمالي هغه سره د لسیزو تر شخړې وروسته ممکنه شوې ده چې له کبله یې ۱۵ لکه خلک ووژل شول.
په ۲۰۰۵ز کال کې د سولې د تړون ترمخې سږکال د جنورۍ له نهمې تر ۱۵مې ټولپوښتنه یا نظر پوښتنه وشوه، چې تر مخې یې د بي بي سي په خبره: (( ۹۸،۸۳ فیصده جنوبي سوډانیانو د خپل خپلواکه هېواد په حق کې رایه ورکړه.))
بېګا د شپې په دولس بجې د خپلواکي خوشالۍ لمانځل پیل شول او بیا په ټیلي وېژن نوی ملي سرود یا قامي ترانه وغږول شوه.
جنوبي سوډان د نړۍ ۱۹۳ هېواد جوړ شو چې ملګرو ملتونو رسماً پېژندلی دی او په افریقا کې د ملګرو ملتونو ۵۴ غړی شو.
نیو یارک ټایمز ورځپاڼه لیکي جنوبي سوډان د افریقا د پرمختلونکیو هېوادونو په آخر کې دی او دلته زیاتره خلک له یوه امریکايي ډالره کمې پیسې ګټي.
د نړیوال بانک له معیار سره سم: ((په نړۍ کې د غربت کرښه، د ورځې په سر، د یو امریکايي ډالر له ګټې سره سمه ده؛ هر کس چې په ورځ کې، له یو ډالره کمې پیسې ګټي نو د غربت تر کرښې ښکته دی.)) مانا دا چې په جنوبي سوډان کې زیاتره خلک زښت غریبان دي.
نیو یارک ټایمز ورځپاڼه لیکي، په جنوبي سوډان کې ۱۰ فیصده ماشومان د پینځو کالونو عمر ته نه رسېږي او تر هغې مخکې مري.
ورځپاڼه زیاتوي: ((په دې هېواد کې ۷۵ فیصده بالغان لیک لوست نشي کولای.))