د پاکستان کرکټ لوبډلې وېسټ انډيز ته په درېيمه ۵۰ اووریزه سیالۍ کې په ماتې ورکولو سره د دې لړۍ درېواړه لوبې وګټلې.
د جون پر ۱۲مه په ملتان کې شوې دې سیالۍ کې لومړی بيټينګ پاکستان وکړ او په مقررو ۵۰ اوورونو کې یې د ۹ لوبغاړو په اوټ کېدو یې ۲۶۹ رنز جوړ کړل.
وېسټ انډيز و نه شو کړای چې دا هدف پوره کړي. د دوی ټول لوبغاړي په ۳۸ اوور کې د ۲۱۶ رنز په جوړولو اوټ او لوبه یې په ۵۳ منډو وبايلله.
د پاکستان شاداب خان په بيټينګ کې ۸۶ رنزونه وکړل او په بالينګ کې یې ۴ وېکټې واخیستې. له همدې امله د سیالۍ غوره لوبغاړی وګڼل شو.
پاکستان د دې درو یو ورځنیو یا ۵۰ اووریزو کرکټ سیاليو د لړۍ دوه نورې لوبې هم ګټلې وي.
