پاکستان ویسټ انډیز ته په لومړۍ ۲۰ اوریز لوبه کې په ۶۳ منډو ماتې ورکړه.
دا لوبه د ډېسېمبر پر ۱۳مه د کراچۍ په نیشنل لوبغالي (سټیډیم) کې وشوه. ویسټ انډیز د ټاس په ګټلو لومړی د بالینګ کولو پرېکړه وکړه.
پاکستان په ټاکلو ۲۰ اورونو کې ۲۰۰ منډې جوړې کړې او شپږ لوبغاړي یې وسوځېدل. په ځواب کې د ویسټ انډیز ټوله لوبډله په ۱۹ اورونو کې د ۱۳۷ رنزونو په جوړولو وسوځېده.
د پاکستان له غاړې محمد رضوان ۷۸ او حیدر علي ۶۸ مندې وکړې. په بالینګ کې د پاکستان محمد وسیم څلور او شاداب خان درې ویکټې واخېستې.
د دواړو لوبډلو ترمينځ دویمه ۲۰ اوریزه لوبه د ډېسېمبر پر ۱۴مه په کراچۍ کې ترسره کېږي.
