د لاسرسي ځای

تازه خبر

په کابل کې چاودنې یو تن وژلی او دوه یې ټپي کړي


افغان او امریکايي چارواکي د دې ماین چاودنو پړه په طالبانو اچوي او وايي چې طالبان دې د سولې لپاره له داسې هدفي وژنو او مقناطیسي ماین چاودنو لاس واخلي. (انځور: ارشیف)

د افغانستان په پلازمېنه کابل کې نن د ماین یوې چاودنې یو تن وژلی او دوه نور یې ټپي کړي دي.

چاودنه د افغانستان بانک د مالي شخړو د حل د کمیشن د مشر عبدالله دوراني پر موټر شوې ده.

د افغانستان بانک په یوه اعلامیه کې تایید کړې چې عبدالله دورانی او یو بل کس ټپيان او یو ساتونکی یې وژل شوی دی.

تر دې وړاندې د کابل امنیه قومندانۍ ویاند فردوس فرامرز مشال راډیو ته وویل چې د کابل د اتمې ناحیې په اړوند شاه شهید سیمه کې یو لنډ کروزر موټر د ماین چاودنې هدف ګرځیدلی دی.

ده وویل، " له بده مرغه درې عام وګړي ټپيان او روغتون ته انتقال شوي دي. د کابل ګډه امنیتي ډله د دې پېښې پلټنې کوي."

چا د دې ماین چاودنې مسوولیت په غاړه نه دی اخیستی.

افغان او امریکايي چارواکي د دې ماین چاودنو پړه په طالبانو اچوي او وايي چې طالبان دې د سولې لپاره له داسې هدفي وژنو او مقناطیسي ماین چاودنو لاس واخلي.

طالبانو اکثر په دې چاودنو کې لاس لرل رد کړي.

XS
SM
MD
LG