د لاسرسي ځای

تازه خبر

کراچۍ کې چاودنې ۵ تنه وژلي ۲۵ ژوبل


ګومان کېږي چادونه د ودانۍ په دوهم پوړ کې شوې ده.
ګومان کېږي چادونه د ودانۍ په دوهم پوړ کې شوې ده.

د پاکستان په صنعتي ښار کراچۍ کې یوې چادونې ۵ تنه وژلي او شاوخوا ۲۵ تنه ژوبل دي.

د ډان نیوز د خبر له مخې چاودنه د ګلشن اقبال سیمې له کراچۍ پوهنتون سره نزدې په مسکن چورنګۍ کې شوې ده.

خیریه مرستندویه اداره اېدي فاونډېشن وايي، چاودنه د ودانۍ په دوهم پوړ کې شوې او لویه برخه یې نړېدلې ده.

د پېښې یوه ویډيو د شاوخوا ودانیو او کورونو د کړکیو ماتې ښیښې ښيي او یوشمېر موټرونه، چې د ودانۍ په شاوخوا کې ولاړ ول، ویجاړ شوي دي.

د سیند اعلا وزیر د پولیسو مشر ته امر کړی چې د پېښې پلټنې وکړي او رپورټ وروسپاري.

په تېرو کلونو کې په کراچۍ کې ډېرې قومي او فرقوي نښتې شوي دي.

د اکتوبر پر ۲۰مه د کراچۍ په شېري جناح کالونۍ کې د رېموټ کنټرول بم په چاودنه کې پېنځه کسان ژوبل شوي ول.

XS
SM
MD
LG