د لاسرسي ځای

تازه خبر

د افغان سولې له تاریخي فرصته باید ګټه واخېستل شي: پاکستان


د افغانستان - پاکستان جنډۍ

پاکستان یو وار بیا د افغانستان په جګړه کې ښکېلو خواو باندې ټینګار کړی چې د سولې لپاره له تاریخي موقعې ګټه پورته کړي.

دا خبره پرون (د اګست ۳۱ مه) پاکستاني چارواکو په کابل کې د افغانستان او پاکستان د سولې او یو والي لپاره د ایکشن پلان غونډې پر مهال افغان لوري ته وکړه.

د پاکستان بهرنیو چارو وزارت په دوشنبه یوه خبرپاڼه جاري کړې چې وايي په دغه غونډه کې د پاکستاني پلاوي مشري د بهرنیو چارو سېکرېټري سهېل محمود او د افغان پلاوي مشري د بهرنیو چارو مرستیال وزیر میرویس ناب کوله چې پکې په بېلا بېلو برخو کې او په خاصه توګه د امنیت په چارو کې د دواړو هېوادونو د همکارۍ په زیاتولو لپاره د اقداماتو جاج واخیستل شو.

تم شئ

هېڅ میډیايي سرچینه اوس نشته

0:00 0:03:12 0:00
د ډاېرېکټ لېنک



یاد فورم چې د افغانستان او پاکستان د تعلقاتو د ودې لپاره په ۲۰۱۸م کال کې جوړ شوی پکې د سیاسي، سفارتي، اقتصادي او امنیتي چارو ترڅنګ په پاکستان کې د افغان کډوالو په هکله پنځه کمېټۍ کار کوي.

د خبر پاڼې په وینا پرونۍ غونډه کې پنځو واړو کمیټو د خپلمنځي همکارۍ زیاتولو لپاره د پورته کړل شویو اقداماتو یادونه وکړه.

د افغانستان او پاکستان د سولې او یو والي لپاره د ایکشن پلان فورم اولنۍ غونډه د ۲۰۱۹م کال په جون کې شوې وه.

  • انځور سایز

    منور شاه

    منور شاه د پاکستان او افغانستان په اړه اډیو او ویډیو رپورټونه جوړوي. هغه د زده کړو په اړه اونيزه خپرونه روښانه مستقبل هم وړاندې کوي.  

XS
SM
MD
LG