د افغانستان په غزني کې د سړک غاړې ماین چاودنې د څلورو پولیسو په ګډون پنځه کسان وژلي دي.
د غزني امنیه قومندانۍ ویاند احمد خان سیرت مشال راډیو ته وویل چې دا چاودنه د مارچ پر ۲۳مه د غزني د ده یک ولسوالۍ په خشک سیمه کې د پولیسو پر موټر شوې ده.
چا تر اوسه د دې چاودنې زمه واري نده منلې.
بل پلو د کندوز ولایت د امنیه قوماندانۍ ویاند هجرت الله اکبري مشال راډیو ته ویلي چې د وسله والو طالبانو په ډزو درې کسان وژل شوي دي.
د ده په وینا ، دا پېښه تېر ماښام د کندوز ښار خان اباد بندر ته څېرمه شوې ده.
وسله والو طالبانو د دې پېښې په اړه څه نه دي ویلي.
د فېسبوک تبصرې