په پاکستان کې د مارچ پر اتمه د ښځو نړیوالې ورځې په مناسبت يو شمېر ښځو د "عورت مارچ" په نوم د ښځو د لاريون تابیا کړې ده.
فعالانې وايي، د دې لاریون موخه په پاکستان کې د ښځو ستونزې په ډاګه کول دي. خو ځینې مذهبي ډلې د عورت مارچ مخالفت کوي. بلخوا د ښځو د لاريون طرفداره مېرمنې وايي که "ميرا جسم ميري مرضي" پر ځای بله نعره وکارول شي نو هم به ځينې خلک منفي معنا ورکوي.
هم پر دې موضوع مو د دې اونۍ په "ځوانانو غږ" خپرونه کې خبرې کړي.
په دې بحث کې راسره له اوکرزو سره اړه لرونکې د ۱۶م ټولګي زده کونکې او مدني فعاله نايله الطاف، له پېښوره ځوانه مدني فعاله او "د ښځو واک" په نوم د سازمان مخکښه قندي ساپۍ او له سواته تبسم عدنان چې په سوات کې "د خويندو جرګې" مشره ده. د خپرونې کوربه اسرار عالم مومند دی.
خپرونه دلته د غږ په ځای کې اورېدای شئ.
د فېسبوک تبصرې