د ملګرو ملتونو د کډوالو اداره یو این ایچ سي ار وايي، د فبرورۍ پر ۱۷مه او ۱۸مه به د افغان کډوالو په اړه په اسلام اباد کې دوه ورځنی نړیوال کانفرس کېږي.
په کانفرنس کې به د ۲۰ هېوادونو غړي او د ملګرو ملتونو چارواکي شامل وي.
په پاکستان کې د یو این ایچ سي ار ویاند قیصر خان اپریدي د فبرورۍ پر ۱۰مه نېټه مشال راډيو ته وویل چې په پاکستان کې د افغان کډوالو د اوسېدو د ۴۰ کالونو پوره کېدو په مناسبت یې دا کانفرس رابللی چې پکې به د پاکستان د حکومت ستاینه کېږي.
نوموړي زیاته کړه، په دې غوڼده کې به له نړیوالې ټولنې غوښتنه کوي چې له اسلام اباد سره د افغان کډوالو په ترڅ کې ملاتړ وکړي او افغانستان ته له ستنېدونکو کډوالو سره دې هم مرسته وکړي.
د پاکستان حکومت د افغان کډوالو د ايسارېدو موده د روان کال د جون مياشتې تر اخره غځولې ده.
د فېسبوک تبصرې