د لاسرسي ځای

تازه خبر

جلال اباد کې چاودنې ۱۲ تنه وژلي، ۳۲ ژوبل


له چاودنې ژوبل تنان روغتون ته وړل کېږي. ۲۰۱۹، ۷م اکتوبر

د افغانستان ختیځ ولایت ننګرهار په مرکز جلال اباد ښار کې د ملي اردو پر یوه کاسټر موټر چاودنه کې ۱۲ کسان وژل شوي او ۳۲ نور ټپیان دي.

د ننګرهار د والي ویاند عطاو الله خوږیاڼي رسنیو ته ویلي چې په دغه موټر کې د ملي اردو سرتېري سپاره ول چې د پوهنتون روغتون سره نزدې پرې نن مازدیګر څلور نیمې بجې چاودنه وشوه.

د هغه په وینا په چاودنه کې د یوه ماشوم په ګډون ۱۲ کسان وژل شوي او ۳۲ نور ټپیان دي.

خوګیاني وویل، باروت په یوه زرنج کې اېښودل شوي ول.

د ننګرهار ولایتي روغتون چارواکي وایي چې د پېښې له ځایه یې یو مړی او ۲۹ ټپیان وروړي دي.

XS
SM
MD
LG