د ((هارون باچا هنري ګړۍ)) خپرونې پاڼې ته ښه راغلاست.
دا اوونۍ مو د کلا سيف الله له يوه ځوان سندرغاړي اعجاز افق سره د هغه پر هنر خبرې کړې دي.
نوموړی د کالج زده کوونکی دی او شاوخوا پينځه کلونه مخکې يې سندرې ويل پيل کړي دي.
افق وايي، پلان لري چې د لاهور د هنرونو په پوهنځي (نيشنل کالج اف ارټس) کې موسيقي او سندره ويل زده کړي.
نوموړی په وروستيو کې افغانستان ته هم تللی او هلته يې کنسرټونه ورکړي دي.
د اعجاز افق خبرې او څو سندرې د غږ په ځای کې اورېدای شئ.
