د لاسرسي ځای

تازه خبر

د پاکستان، افغانستان او چين د بهرنيو چارو وزيرانو غونډه


د افغانستان، چین او پاکستان جنډیانې

د پاکستان، افغانستان او چين د بهرنيو چارو وزيران به د سېپټمبر پر اوومه په اسلام اباد کې غونډه کوي.

د پاکستان د بهرنيو چارو وزارت د سېپټمبر په شپږمه په يو بيان کې ويلي دي چې دا د خارجه وزیرانو درې اړخیزو مذاکراتو درېم پړاو دي.

په غونډه کې به شاه محمود قريشي د پاکستان، وانګ لې د چين او صلاح الدين ربانی د افغانستان استازیتوب کوي.

د غونډې اجنډه به د درې واړو هېوادونو ترمنځ پر سیاسي اړيکو، د سولې بهیر، امنيتي همکاري، د ترهګرۍ ضد، پرمختیايي همکاري او پر رابطو راڅرخي.

د پاکستان، افغانستان او چين د بهرنيو چارو وزيرانو فورم په ۲۰۱۷ز کال کې جوړ شوی وو. د دې ټولنې موخه د دغه درېواړو هېوادونو ترمنځ خپلمنځۍ ګټې، اقتصادي پرمختیا، سوله او امنیت ته وده ورکول دي.

د دې فورم لومړۍ غونډه په ۲۰۱۷ز کال په بیجینګ کې، دوهمه په ۲۰۱۸ز کال په کابل کې او درېمه یې دا دی په اسلام اباد کې کېږي.

XS
SM
MD
LG