د امریکايي پلاوي او طالب استازو ترمنځ خبرې اترې نن ( چارشنبه) هم په قطر کې روانې دي.
وړاندې له دې یو شمېر رسنیو راپور ورکړی و چې د امریکايي استازو او طالبانو د ډلې ترمنځ د سولې خبرې اترې پای ته رسېدلي او د انګلیسي، فارسي او پښتو هوکړه لیکونو د نسخو تطبیق او پرتله کول پیل شوي دي.
د طالبانو د سیاسي دفتر ویاند سهیل شاهین مشال راډیو ته ويلي چې دغه راپورونه ناسم دي او مذاکرات نن ( اګست ۲۸ مه) هم دوام لري.
وړاندې له دې د طالبانو د ډلې ویاندویانو ویلي چې د دواړو لورو ترمنځ په نهم بړاو خبرو کې، د هوکړهلیک د متن د وروستي کېدو هڅې روانې دي.
له قطره راپورونه وايي چې د امریکا او طالب استازو ترمنځ د سولې د وروستي هوکړهلیک ځیني ټکي د مذاکره کوونکو د څېړنې لاندې دي.
تر اوسه د دغه هوکړهلیک جزئیات نه دي اعلان شوي، خو ویل شوي چې له افغانستان څخه د امریکايي ځواکونو وتل، د نورو هېوادونو پر ضد د افغانستان خاورې نهکارېدل، بینالافغاني خبرې اترې او اوربند د مذاکراتو له اصلي موضوعاتو څخه دي.
