د لاسرسي ځای

تازه خبر

طالبان جګړه نشي ګټلای: سټولټنبرګ


د ناټو عمومي منشي ینس سټولټنبرګ

د ناټو عمومي منشي وایي، په افغانستان کې سولې ته رسېدل اسانه نه‌دي، خو یوازنۍ لار همدا سولې ته رسېدل دي.

ینس سټولټنبرګ په بروکسل کې ازادي راډیو ته په چارشنبه د خبرو پر مهال طالبان مخاطب کړل او ویې‌ ویل چې جګړه نه‌ شي ګټلی.

سټولټنبرګ د خبرو له لارې پر یوه سوله‌ییز حل لاري ټینګار وکړ او ویې‌ویل: "د ناټو لپاره د سولې هڅو ملاتړ کولو غوره دا ده چې د افغان ځواکونو حمایت وکړي، همکاري ورسره وکړي، هغوی وروزي او سلا مشوره ورکړي. ځکه چې طالبان باید پوه شي چې دوی کله هم د جګړې په ډګر کې نه‌شي بریالي کېدای، دوی باید د خبرو مېز ته حاضر شي."

د ناټو د دفاع وزیرانو د دوه ورځنۍ غونډې تر پیلېدو مخکې د چهارشنبې په ورځ د افغانستان په ختیځ کې د دوو امریکایي سرتېرو د وژلو خبرونه خپاره شول.

د ازادي راډیو خبریال چې کله د ناټو له عمومي منشي ینس سټولټنبرګ څخه پوښتنه وکړه چې دا پېښه به د شنبې د ورځې د سولې پر خبرو چې زلمی خلیل‌زاد یې په دوحه کې له طالبانو سره پیلوي، څه اغېز پرې باسي؟

نومموړي د وژل شویو پوځیانو ​د کورنیو له غړیو سره د خواخوږۍ ترڅنګ وویل چې دا پېښه په افغانستان کې د سولې اهمیت نور هم جوتوي.

ده زیاته کړه چې ناټو په افغانستان کې د امریکا د متحده ایالاتو د سولې د هڅو پیاوړی ملاتړ کوي: "دا خبرې سولې ته د رسېدو یوازنۍ لاره ده. سفیر خلیل‌زاد د ناټو له ټولو متحدانو سره له نږدې سلا مشوره کوي."

خو طالبانو تر اوسه د اوربند خبره رد کړې او د سولې لپاره‌یې د ولسمشر غني د حکومت د خبرو وړاندیز ته منفي ځواب ورکړی دی.

دې یاغي ډلې په ورته وخت کې له افغانستانه د ټولو بهرنیو ځواکونو د وتلو غوښتنه کړې ده.

د ناټو دفاع وزیران او شریکان‌یې د خپلې دوه ورځنۍ غونډې په دوهمه، نن پنجشنبه په تفصیل د افغانستان د سولې او امنیت په اړه خبرې کوي.

په‌دې غونډه کې د افغانستان د دفاع وزارت سرپرست اسدالله خالد، د غوڅ ملاتړ مأموریت عمومي قوماندان جنرال سکاټ مېلر، په افغانستان کې د ناټو ملکي استازی نیکلاس کې، د ملګرو ملتونو، اروپایي ټولنې او نړیوال بانک استازي هم برخه اخلي.

د اوس لپاره تر ۱۷۰۰۰ ډېر بهرني ځواکونه د غوڅ ملاتړ ماموریت په چوکاټ کې په افغانستان کې شته چې افغان ځواکونه روزي، سلا مشوره ورکوي او ملاتړ یې کوي.

اوس تر ۱۷۰۰۰ ډېر بهرني ځواکونه د غوڅ ملاتړ د ماموریت په چوکاټ کې په افغانستان کې شته
اوس تر ۱۷۰۰۰ ډېر بهرني ځواکونه د غوڅ ملاتړ د ماموریت په چوکاټ کې په افغانستان کې شته

ناټو ژمنه کړې ده چې تر ۲۰۲۴ میلادي کال به افغان ځواکونه تمویل کړي.

د افغان ځواکونو لګښت د کال تر پنځه میلیارده ډالر ډېر اټکل شوی چې لویه برخه‌ یې د امریکا متحده ایالات ورکوي.

د دې ډاډ ترڅنګ ګواښونه هم شته، د افغانستان د بیارغونې لپاره د امریکا د سرمفتش ادارې یا سیګار په وروستیو کې ۲۱۰ مخه راپور خپور کړ او په هغه کې یې څرګنده کړه چې د امریکا متحده ایالاتو نږدې ۸۴ میلیارده ډالر پر افغان ځواکونو لګولي دي، خو لا هم د دې سرتېرو تلفات زیات دي او د فرار کچه هم ټیټه نه‌ده، همداراز دا ځواکونه د همغږۍ او تدارکاتو په برخو کې ستونزې لري.

د مشال ویډیوګانې، انځورونه

انځورونه، ویډیوګانې

رومانیه: مېلوګان مو څاروي اوچتوي
تم شئ

هېڅ میډیايي سرچینه اوس نشته

0:00 0:01:28 0:00
تفصیل...
XS
SM
MD
LG