د لاسرسي ځای

تازه خبر

کريکټ نړيوال جام: هند او نيوزيلېنډ خپلې لوبې وګټلې


د هند روهيت شرما او ويرات کوهلي

د کريکټ پنځوس اووريزو نړیوال جام سیالیو لړ کې نن د پاکستان او جنوبي افريقا ترمينځ لوبه په لندن کې کېږي.

دا لوبه به د پيښور له وخت سره سم ماسپخين دوه نېمي بجي پېلېږي. پاکستان تراوسه په پنځو لوبو کې يوه ګټلي، درې يې بايللې دي. د دوی يو مېچ د باران له وجې بې نتیجې پاتې شوې وو.

پرون د افغانستان د کرکټ ټيم په نړیوال جام کې له هنده ماته وخوړه. دا لوبه په ساوتمپټن کې وشوه.

هند په لومړي بيټنګ کې افغانستان ته ګټلو لپاره د ۲۲۵ رنزونو هدف ورکړی وو. په ځواب کې یې د افغان لوبډلې ټول لوبغاړي په ۲۱۳ منډو اوټ شول. د هند جسپريت بومره په لسو اوروونو کې ۳۹ منډې ورکړي او د دوو مهمو لوبغاړو اوټ کولو له وجې د لوبې غوره لوبغاړی وګټل شو.

پرون د نړيوال جام په يوه بله سيالۍ کې نيوزي لېنډ وېسټ انډيز ته په پنځو رنزونو ماتې ورکړه. نيوزي لېنډ په لومړي بيټنګ کې ۲۹۱ رنزونه جوړ کړي وو، خو د وېسټ انډيز ټول لوبغاړي په ۲۸۶ منډو اوټ شو. د نيوزي لېنډ لوبډلمشر کېن ويليمسن ۱۴۸ منډې وکړي او د لوبې غوره لوبغاړی وګڼل شو.

افغانستان به د جون په ۲۴مه د بنګله دېش خلاف لوبه کوي.

د يو ورځنيوو کرکټ لوبو دې نړيوال جام کې نيوزي لېنډ ۱۱ پواينټونو سره په لومړي نمبر، اسټريليا په دويم او هند په دريېم نمبر ده.

ځانګړې پاڼې

له موږ سره اړیکي

XS
SM
MD
LG