په خېبر پښتونخوا کې د ډاکټرانو او حکومت ترمنځ د روغتيا په څانګه د اصلاحاتو کولو پرسر رامنځ ته شوې لانجه په ظاهره حل شوې ده.
د مې پر ۲۱ مه نېټه د وزيراعلی محمود خان او ډاکټرانو د استاذيو ترمنځ په مذاکراتو کې دا مسيله حل شوه.
ډاکټرانو د اصلاحاتو پرضد د ټولې صوبې په هسپتالونو کې تر يوې اوونۍ پورې کاربنديز کړی وو چې تر خبرو اترو وروسته ختم شو.
د مشال تر رڼا لاندې بحث کې د اصلاحاتو پر مختلفو اړخونو باندې د ډاکټرانو اتحاديې مشر ډاکټر امير تاج خان، په صوباي اسمبلۍ کې د تحريک انصاف غړي فهيم احمد او د مشال راډیو خبريال غلام غوث مېلمانه دي.
