دا اوونۍ په مشال مرکه کې د خجسته سمیعي سره غږېدلي یو. نوموړې د افغانستان د بلخ ولایت د مزار شریف ښار سره تړاو لري،۲۲ کلنه ده او په بلخ کې د یوې راډیو خبریاله ده.
هغې په دې وروستیو کې د ملګرو ملتونو د پراختیايي ادارې لخوا د خبریالۍ په میدان کې یوه نړیواله جایزه هم ګټلې ده.
نوموړې وايي، د مېرمنو د حقونو اړوند یې راډیويي پروګرامونه جوړ کړي چې له کبله یې د مبارزې درناوی کې دغه ایوارډ ورکړل شوی دی.
د یادولو وړ ده چې دا ایوارډ دوو نورو افغانو مېرمنو ماري اکرمي او مقدسې احمدزۍ ته هم ورکړل شوی دی.
خجسته سمیعي دا هم وايي چې تحقیقي مقالې یې په کورنیو او نړیوالو رسنیو کې خپرې شوې دي.
