د ((هارون باچا هنري ګړۍ)) خپرونې پاڼې ته ښه راغلاست.
د دې اوونۍ د خپرونې مېلمه مو سندرغاړی خيال ګل نسيم دی.
د ده پلارنی کلی د خيبرپښتونخوا په صوابۍ ضلع کې دی، خو نوموړی له تېرو شاوخوا ۱۳ کلونو راهيسې په چارسده کې له خپلې کورنۍ سره يوځای اوسي.
نسيم موسيقي له استادانو ياده کړې. دی د پښتو نويو سندرغاړو ته توصيه کوي چې د موسيقۍ د زده کړې او د سندرو لپاره د ښه شعر د انتخاب په برخو کې زياته خواري وکړي.
د خيال ګل نسيم دا خبرې او څو سندرې يې په خپرونه کې اورېدای شئ.
