د لاسرسي ځای

تازه خبر

"د کاکړ تاريخ بنسټ ځوانانو ته له تاريخه زده کړه ورښيي."


کاوون کاکړ

په کابل کې د کاکړ تاريخ بنسټ يا کاکړ هیسټري فاونډېشن په نامه اداره د تېر وخت کيسو د ساتلو له لارې غواړي د افغانستان په سوله کې خپل کردار ترسره کړي.

دا بنسټ د ډاکټر حسن کاکړ په نامه جوړ شوی دی. ډاکټر حسن کاکړ تاريخپوه وو او د افغانستان په لغمان ولايت کې زيږيدلی وو. نوموړي په برتانيه کې يې د دکتورا تر کچې زده کړې وي او په امريکا او افغانستان کې په بېلابېلو پوهنتونونو کې د تاريخ استاد پاتې شوی وو.

هغه په پښتو، انګريزۍ او دري ژبو اتلس کتابونه او په سلګونو علمي مقالې ليکلي دي. نوموړی د ۲۰۱۷ کال د جنورۍ په پنځمه په کيليفورنيا کې وفات شو.

د پوهاند حسن کاکړ زوی او د کاکړ تاريخ بنسټ جوړړونکی، کاوون کاکړ وايي له دې لارې غواړي افغان ځوانان له خپل تاريخه په داسې طريقه خبر کړي چې هغوی يې د هېواد پرمختګ لپاره ترې زده کړې وکړي.

کاوون کاکړ زياتوي: ((د دې بنسټ يو لوی هدف دا هم دی چې د افغانستان د لرغوني تاريخ په اړه عملي تحقیقات وشي. موږ ځوانانو ته د بحث زمينه برابروو او د پوهاند حسن کاکړ د ليکنو لارې ورته ښايو چې پخوانيوو جګړو ته په کتو سره بايد زده کړه وشي تر څو خلک خپلې ستونزې د ټوپک له لارې نه بلکې د عدم تشد له لارې حل کړي.))

د کاکړ تاريخ بنسټ يا کاکړ هیسټري فاونډېشن پر ويب پاڼه د ډاکټر حسن کاکړ مقالې او کتابونه شته دی چې کاروونکي يې ښکته کولی یا ډاونلوډ کولی شي.

په دې اړه بشير ګواښ د کاوون کاکړ سره مرکه کړې او په سر کې يې ترې پوښتنه کړې چې د دې بنسټ د رامنځته کولو ضرورت ولې پېښ شو؟

کاکړ تاريخ بنسټ څنګه ځوانانو روزي؟
تم شئ

هېڅ میډیايي سرچینه اوس نشته

0:00 0:03:38 0:00
د ډاېرېکټ لېنک

د مشال ویډیوګانې، انځورونه

انځورونه، ویډیوګانې

د کشمير په غرونو کې د وارو کېفې
تم شئ

هېڅ میډیايي سرچینه اوس نشته

0:00 0:01:54 0:00
تفصیل...
XS
SM
MD
LG