د لاسرسي ځای

تازه خبر

فرهاد بي بي په خېبر پښتونخوا کې د تعميراتي کارونو ټېکه داره ده


فرهاد بي بي

فرهاد بي بي د خېبر پښتونخوا د دیر ضلعې ده اوټېکه داره ده. هغه زیاتره د سرکاري ودانیو لکه سړکونو، سکولونو او پلونو ټېکې اخلي او بیا يې چارې بشپړوي.

فرهاد بي بي د تېمرګرې د پخواني سیاستوال شمس القمر خان مېرمن ده.

هغه وایي مېړه یې خدایي خدمتګار او کاروباري شخصیت وو. د دې په وېنا، د هغه تر مړینې وروسته یې کاروبار سمبال کړ.

فرهاد بي بي وایي، لومړی ورته دا کار ګران ښکارېد خو اوس په خپل کار پوره پوهېږي او د ودانیو یا تعمیرونو مختلفې پروژې يې سر ته رسولي دي.

د هغې سره په دغه کار کې ګڼ مزدوران، انجنیران او نور خلک هم کار کوي.

د فرهاد بي بي درې لوڼه په مختلفو شعبو کې خلک پېژني. سایره شمس د ټولنیزو چارو یوه فعاله ده. سمېرا شمس د تحریک انصاف ګوند له خوا د خېبر پښتونخوا د اسمبلۍ غړې ده او نورینه شمس د سکواش لوبغاړې ده.

فرهاد بي بي وایي کوشش یې کړی چې خپلې لوڼه په تعلیم او هنر ښایسته کړي.

بشپړه خپرونه د غږ په ځای کې اورېدای شئ.

تاندې هیلې
تم شئ
نښلول

هېڅ میډیايي سرچینه اوس نشته

0:00 0:13:45 0:00
د ډاېرېکټ لېنک

XS
SM
MD
LG