د پاکستان او افغانستان ترمنځ د سپين بولدک او چمن تړل شوې لار د سېشنبې پر ورځ بېرته خلاصه کړل شوه.
دا لار د دوشنبې په ورځ د پاکستاني او افغان ځواکونو ترمنځ د اغزن تار غځولو پر سر تړل شوې وه.
دا لومړۍ ځل نه دی چې د دواړو هېوادونو ترمنځ لار تړل کېږي او بلکې پخوا هم څو ځلې دغسې شوي دي.
د پاکستان او افغانستان ترمنځ لارې نه يواځې د سوداګرۍ بلکې پر ډېورنډ کرښه اباد قامونه يې د خپلو ټولنيزو اړيکولپاره استعمالوي.
د لارو تړل کېدل پر دوه اړخيزه سوداګرۍ او د خلکو پر ژوند څه اغېز کړی دی.؟
دا او نورې پوښتنې د مشال تر رڼا لاندې کې د پاکستان د سوداګرو اتحاديې د راتلونکې کال لپاره ټاکل شوي مشر دارو خان اڅکزي، په جلال اباد کې د ننګرهار د سوداګرۍ خونې خدمتي مرستيال نجيب الله صاحبزاده او د کرمې د تري منګل يو مشر حاجي عبدالرحيم منګل سره بحث شوې دي.
