په ټوله نړۍ کې د اکتوبر ۱۱مه نېټه د نجونو د ورځې په توګه لمانځل کېږي او ملګرو ملتونو ویلي سږ کال غواړي په ټولنه کې د نجونو د روزګار او هنر په اړه پوهاوې پېدا کړي.
د دیر ثمر خان چې یوه ساییکل چلونکې ده. هغې یوشمېر ریکارډونه جوړ کړي دي خو په دا وروستیو کې د افریقا تر ټولو د دنګ غره څوکې ته په ساییکل تللې ده. هغه د پاکستان لومړنۍ ساییکل چلوونکې ده چې د تنزانیه په منجارو سیمه کې د تر ټولو هسک غره څوکې ته ختلې. ثمر وایي باید کورنۍ د تعلیم او لوبو په لار کې د خپلو لوڼو مخه و نه نیسي.
له جنوبي وزیرستانه د سکواش لوبغاړې ماریه تورپېکۍ وایي په هر کور کې یوه ماریه ده. هغه وایي پښتنې نجونې باید خپل تعلیم او زده کړې پرېنږدي.
د کوز دیر سایره شمس چې یوه سیاسي فعاله ده وایي په ټولنه کې د هلکانو په نسبت د نجونو په لاره کې خڼدونه زیات وي خو باید نجونې همت ونه بایلي.
په خیبر پښتونخوا او قبایلي سیمو کې د ښځو او لږکیو د حقونو لپاره کارکونکې شاهده شاه وایي دا خبره سمه ده چې د نجونو د تعلیم او روزګار په لار کې مشکلات زیات وي خو که د یوه کلي یوه نجلی نن همت وکړي نورې به یې هم مرسته وکړي. شاهده شاه وایي باید ښځې او نجونې پر خپلو پښو ودریږي.
تاندې هیلې خپرونه لاندې اوریدای شۍ
