د افغانستان د کورنیو چارو وزارت ویاند نجیب دانش مشال راډیو ته د ټیلفون په کرښه وویل، دغه برید د کابل په دشت برچي سیمه کې په یو تعلیمي مرکز کې شوی دی.
بلخوا د کابل د پولیسو ویاند وایي، د برید قربانیان زیاتره زده کونکي او د دغه تعلیمي مرکز کارکونکي دي او امکان لري چې د تلفاتو شمېره بدلون ومومي.
د نوموړي په قول، ټپیان روغتون ته رسول شوي. تر اوسه د دې پیښې ذمه واري چا نه ده اخېستې خو په دغه شیعه میشته سیمه کې د پخوانیو بریدونو مسولیت داعش منلی دی.