د لاسرسي ځای

تازه خبر

پښتون ژغورنې غورځنګ په جنوبي وزیرستان کې جرګه کوي


د پښتون ژغورنې غورځنګ لوګو

د پښتون ژغورنې غورځنګ او د جنوبي وزیرستان د مسیدو مشرانو او فعالانو په سیمه کې د امنیت په اړه خبرې کړې دي.

د غونډې ګډونوالو د اګست پر دویمه ماښام مشال راډیو ته وویل، دوی د اګست پر لومړۍ نېټه په ټانک کې د جنوبي وزیرستان د انتظامیې په دفتر کې پرېکړه وکړه چې د اګست پر شپږمه به د مسیدو په کلیو کې د ناامنیو د پېښو په اړه جرګه کوي.

تر غونډې وروسته د مشرانو یوه پلاوي د جنوبي وزیرستان له مرستیال کمېشنر نایب خان داوړ سره ولیدل او له هغه سره یې اندېښنې شریکې کړې.

د مسیدو مشرانو زیاته کړه چې دوی تر کلونو کډوالۍ وروسته خپلو کلیو ته ستانه شول خو د هدفي وژنو او حملو له کبله بیا کورونو پرېښودو ته اړ شوي.

د اګست د دویمې دا غونډه پر داسې مهال شوې چې دوه اوونۍ مخکې وسله والو یو ۱۶ کلن زده کوونکی عبدالکلام د کور دننه وواژه.

چارواکي وايي، په سیمه کې د امنیتي حالاتو ښه کولو هڅې کوي خو پښتون ژغورنې غورځنګ وايي ، د هدفي وژنو او بدامنیو مخه دې ونیول شي.

دا په داسې حال کې ده چې پښتون ژغورنې غورځنګ خپل احتجاج ته دوام ورکړی دی او د اګست پر ۱۲مه یې د خیبر پښتونخوا په صوابۍ کې ولسي غونډه رابللې ده.

XS
SM
MD
LG