د لاسرسي ځای

تازه خبر

په کندوز کې جګړه پای ته رسېدلې، لسګونه وسله وال وژل شوي


وسله والو په تېرو څلورو کلونو کې په بیا بیا پر کندوز بریدونه کړي

پراګ - افغان چارواکي وايي، په کندوز کې یې د وسله والو طالبانو ډله ییز بریدونه په شا تمبولي او د جمعې پر سهار (جولای ۱۳) نښته پای ته رسېدلې ده.

هلته رویټرز خبري اژانس د جولای د ۱۲مې پر مازیګر رپورټ ورکړ چې د ولایت په دشت ارچي کې د وسله والو په بریدونو کې ۲۹ سرتېري وژل شوي دي.

خو افغان چارواکي وايي، په دې حملو کې ۲۵ افغان سرتېرو ته مرګ ژوبله اوښتې او د وژل شویو او ژوبلو سرتېرو کره شمېر یې نه دی ورکړی.

د کندوز ځايي چارواکو د جمعې پر سهار له مشال راډيو سره په خبرو کې ومنله چې د حکومت وسله والو مخالفینو د دشت ارچي ولسوالۍ پر پل مومن او قرليق کلیو ډله ییزې حملې پيل کړې او نښتې تر د جولای ۱۳مې تر سهاره روانې وې.

د کندوز د والي وياند نعمت الله تيموري وويل، نوي افغان امنيتي ځواکونه سيمې ته رسېدلي دي.

ده زیاته کړه:

"افغان امنیتي ځواکونو حمله په شا تمبولې ده او جګړه پای ته رسېدلې، د دې حملې په نتيجه کې د حکومت ۵۰ مخالفین وژل شوي او له بده مرغه ۲۵ افغان امنيتي ځواکونه هم وژل شوي او ټپيان دي."

دا په داسې حال کې ده چې د افغانستان په نورو برخو کې لسګونو سخت دريځي په هوايي حملو کې وژل شوي دي.

وسله والو طالبانو د دې حملو په اړه لا څه نه دي ویلي.

د مشال ویډیوګانې، انځورونه

انځورونه، ویډیوګانې

عمران خان له کرکټه تر وزيراعظمۍ
تم شئ

هېڅ میډیايي سرچینه اوس نشته

0:00 0:02:54 0:00
تفصیل...
XS
SM
MD
LG