د ننګرهار ولایت امنیتي چارواکي وايي، په جلال اباد ښار کې د وسله والو یوه حمله ناکامه شوې او بریدګر وژل شوي دي.
د دغه ولایت مطبوعاتي مسوول عطاالله خوږیاڼي د پېښې په ځای کې خبریالانو ته وویل،لومړي بریدګر د پوهنې ریاست ته څېرمه په ځان پورې تړلي باروت وچول، دوهم یې د طب پوهنځي ته څېرمه د امنیتي ځواکونو له لورې تر ټپي کېدو وروسته برید ترسره کړ او درېم یې د امنیتي ځواکونو له لورې په ډزو وژل شوی دی.
په پېښه کې ۱۵ کسان ژوبل شوي دي.
د دې پېښې ذمه واري لا چا نه ده منلې.