وسلهوالو طالبانو د هلمند ولایت د ځوانانو د سولې غوښتنو ته مثبت، خو مشروط ځواب ویلی دی.
په هغه غږیز پیغام کې چې د طالبانو د ویاند قاري یوسف احمدي له لوري رسنیو ته استول شوی دی، راغلي دي چې د هلمند د ځوانانو د سولې غوښتنه مني، خو دوی دې لومړی له هغه امریکايي ځواکونو سره د سولې خبرې وکړي او د اوربند ضمانت دې واخلي چې د هلمند په ښوراب نظامي هډه او کندهار هوايي میدان کې مېشت دي.
په پیغام کې ویل شوي چې افغان حکومت د سولې په برخه کې خپلواکي نهلري او دوی هم د یوه لاسپوڅي حکومت سره تر هغو چې امریکايان ورسره سوله ونهکړي خبرې نهکوي.
طالبانو د هلمند د پرلت ځوانانو د سولې غږ ته مثبت، خو مشروط ځواب ورکړ.
په لښکرګاه کې د سولې لپاره د پیل شوي پرلت مشران وايي چې دوی به ډېر ژر د سولې د رسمي منځګړیتوب لپاره موسی کلا ولسوالۍ ته چې په ظاهره د طالبانو مرکز بلل کېږي، ولاړ شي.
د ځوانانو د دغه پرلت ترڅنګ ښځو هم کېږدۍ لټولې ده او د وسلهوالو طالبانو نهيې د سولې غوښتنه تکرار کړه.
د هلمند ځوانانو د تېرې جمعې ورځې تر ځانمرګي برید وروسته چې ۱۶ ملکي کسانيې ووژل د اعتراض په ډول خیمې ودرولې او د حکومت او طالبانو نهيې د عاجلې سولې غوښتنه وکړه.
افغان حکومت له وړاندې د کابل پروسې په غونډه کې له وسلهوالو سره بې له قیده او شرطه د سولې وړاندیز کړی دی چې تر اوسه ورته طالبانو ډول ځواب نهدی ورکړی.
