د لاسرسي ځای

تازه خبر

پراګ - د منظور پښتين په مشرۍ کې د پیل شوي پښتون تحفظ غورځنګ د فعاليت څه د پاسه يوه نيم مياشت شوې ده.

په دې دوران کې غورځنګ د خپلو غوښتنو په حق کې په اسلام اباد کې ۱۰ ورځنۍ درنا ورکړه او وروسته يې مشرانو د کوټې په ګډون د بلوچستان په مختلفو پښتون مېشتو سيمو کې ولسي غونډې وکړې.

د پښتنو په سيمو کې د ترهګرۍ ضد جګړې پر مهال چې پښتانه له کومو ستونزو سره مخامخ شوي د هغو ختمول د غورځنګ د غوښتنو مرکزي ټکی دی.

په کراچۍ کې د وژل شوي ځوان نقيب مسود په وژنه کې د تورن پوليس افسر راو انوار نيول، په فاټا کې ښخ ماينونه پاکول، په فاټا کې کرفيو نه لګول، ورک کسان عدالت ته حاضرول او د پښتنو د ماورای عدالت وژنو په اړه د عدالتي کميشن جوړول په غوښتنو کې شامل دي.

په قبايلي سيمو، سوات او د بلوچستان پښتون مېشتو سيمو کې سياسي او مدني فعالانو د پښتون تحفظ غورځنګ د اسلام اباد له پرلت څخه الهام واخیست او په خپلو خپلو سيمو کې یې د خپلو غوښتنو په حق کې مظاهرې او غونډې وکړې.

د پښتون تحفظ غورځنګ د اغېزناکۍ، چیلنجونو او د پاکستان رسنيو د رول په اړه مو د سياسي چارو له پوه رفیع الله کاکړ سره مرکه کړې ده.

د مرکې په سر کې له هغه څخه پوښتل شوي چې په تېره څه د پاسه يوه نيمه مياشت کې چې په کوم انداز غورځنګ سفر کړی هغه ورته څومره موثره ښکاري؟

"منظور پښتين له داخلي او خارجي چېلنجونو سره مخامخ دی"
تم شئ

No media source currently available

0:00 0:06:51 0:00
د ډاېرېکټ لېنک

ستاسې نظر

تبصرې ښکاره کړئ

XS
SM
MD
LG