د مشال مرکې پاڼې ته ښه راغلاست. دا اونۍ د پښتون ژغورنې غورځنګ له یو مشر علي وزیر سره غږېدلي یو.
نوموړی یو له هغو کسانو څخه دی چې د هڅو په نتیجه کې یې قبایلي ځوانانو د خپلو حقونو د ترلاسه کولو لپاره د پاکستان په لر بر کې درنې جلسې او لاریونونه پیل کړي دي.
علي وزیر د جنوبي وزیرستان د مرکز واڼا اوسیدونکی دی. د ګومل یونیورسټۍ نه یې د قانون سند LLB ترلاسه کړی دی. دی وايي عملي سیاست یې په پښتون سټوډنټ فیډرېشن کې د برخې اخېستو په ترڅ کې پیل کړی و.
نوموړی وايي د پښتون ژغورنې غورځنګ سره یې خپل پیوستون اعلان کړی او نن سبا یې خپل ټول خدمات د همدې غورځنګ چارو ته وقف کړي دي.
علي وزیر په دې مرکه کې په قبایلي سیمو کې د وسله والو ډلو او حکومتي پوځونو ترمنځ د جګړې پر مهال پر ولسي خلکو د شوي زور زیاتي کیسه هم کوي.
