د لاسرسي ځای

تازه خبر

د افغانستان د کورنیو چارو وزارت وايي چې د کابل ښار د نهمې امنیتي حوزې اړوند د ډسپیچري په سیمه کې ځانمرکی برید درې ولسي وګړي وژلي او درې نور یې ټپیان کړي دي.

د کورنیو چارو وزارت د ویاند مرستیال نصرت رحیمي مشال راډیو ته وویل چې یاده حمله د موټر په واسطه چې له چاوېدونکو موادو ډک و رامنځته شوې ده.

نوموړي زیاته کړه چې د ځانمرګی برید هدف په سیمه کې د یوې بهرنۍ کمپنۍ کارمندان و.

رحیمي په دغه ځانمرکی برید کې د بهرنۍ کمپنۍ کارمندانو ته د اوښتي زیان په اړه څه ونه ویل.

رحیمي زیاته کړه چې په چاودنه کې دوه موټرونه هم تخریب شوي دي.

بلخو په سیمه کې عیني شاهدانو د مشال راډیو خبریال ته ویلي چې په دغه ځانمرګی برید کې څلور ولسي وګړي وژل شوي او یو شمېر نور ټپیان شوي دي.

د دغه ځانمرګی برید پړه وسله والو طالبانو په غاړه اخیستی دی.

XS
SM
MD
LG