د لاسرسي ځای

تازه خبر

له پاکستانه د افغان کډوالو ستنېدنه د مارچ په لومړۍ نېټه پیلیږي


د کډوالو د واپسۍ پر مهال اخېستل شوی انځور

پراګ ـ د کډوالو لپاره د ملګرو ملتونو عالي کمېشنري (UNHCR) وايي، له پاکستانه د افغان کډوالو د واپسۍ عمل به د مارچ له اولنې نیټې بیا شروع کیږي.

د اتوار په ورځ، په پاکستانيو ورځپاڼو کې د یوې خبرتیا په خپرولو یادې ادارې ویلي چې په دې لړۍ کې به د (POR) کارډ لرونکيو کډوالو واپسي کیږي او د ستنېدونکیو کډوالو د مالي مرستو لپاره به هم د مارچ له اولې نیټې په افغانستان کې جوړ مرکزونه خپل کار شروع کړي.

د افغان کډوالو ستنېدنه
د افغان کډوالو ستنېدنه

د خبرتیا ترمخه په خپله خوښه د واپسۍ دې عمل لپاره به د خېبر پښتونخوا په ازاخیل نوښار او د بلوچستان په بلیلي کوټه کډوالو کېمپونو کې مرکزونه جوړیږي.

د (UNHCR) د وینا ترمخه واپس ستنیدونکيو افغان کډوالو ته به د یو کس په سر ۲۰۰ ډالره امداد ورکول کیږي خو کومو رجسټرډ کډوالو چې د واپسۍ لپاره د خپلو نومونو اندراج نه وي کړی هغوی دا مالي مرستې نه شي ترلاسه کولی.

کډوال وطن ته روان دي
کډوال وطن ته روان دي

د کډوالو لپاره د ملګرو ملتونو عالي کمېشنرۍ په دغه اعلامیه کې د ټیلیفون شمېرې هم ورکړي چې خلک پرې د دوی له دفترونو سره اړیکه نیولی شي. دا شمېرې درته لاندې لیکو.

خېبر پښتونخوا

03000544491-8

03008585600

بلوچستان

03337819601

03337804193

03337833834

اسلام اباد/ پنحاب

03005018568

سند

03422704888

XS
SM
MD
LG