نن د شنبې په ورځ د پکتیکا والي محمدالیاس وحدت مشال راډیو ته وویل، چې د یادو دریو پروژو مالي لګښت د ټولګټو چارو وزارت له پرمختیايي بودجې څخه ورکړل شوی دی.
ده وویل، چې جوړ شوي پلونه یو پل ۷۰ متره او دویم۳۵ متره اوږدوالۍ لري.
د پکتیکا والي زیاته کړه، چې د ارګون ولسوالۍ د ګل شاخېلو سړک هم په تدارکاتو کې دی او ډېر ژر به يې د جوړیدو چارې پيل شي.
محمدالیاس وحدت وړاندې وویل، د پکتيکا ولايت له ارګون ولسوالۍ تر خوست ولايت پوري په غځېدلي سړک يې د خوست له ولايتي ادراې سره په ګډه کار پيل کړی او هڅه کوي چې هغه سړک هم له خوست ولايت سره په پاخه ډول وصل کړي.
