د لاسرسي ځای

د پاکستان بهرنیو چارو وزارت د امریکا ولسمشر ډونلډ ټرمپ د بیان په لړ کې د امریکا سفیر غوښتې او خپل اجتجاج یې ورته ثبت کړی.

د بهرنیو چارو د دفتر یو چارواکي په وینا چې بېګاه شپه له امریکايي سفیره د ولسمشر ډونلډ ټرمپ د ټویټر پیغام په اړه وضاحت غوښتل شوی.

په اسلام اباد کې د امریکا سفارتخانې ویاند هم د سفیر ډېوډ هېل د غوښتنې پخلی کړی دی.

بلخوا په دې لړ کې د پاکستان وزیر اعظم د سېشنبې پر ورځ د وفاقي کابینې غونډه او د چارشنبې په ورځ یې د قامي سلامتیا غونډې رابللي دي.

د ټویټر له لارې د امریکا ولسمشر لخوا تر سختو نیوکو وروسته د پاکستان بهرنیو چارو وزیر خواجه اصف بېګاه ماښام ویلي و چې د امریکا ولسمشر بیان په اړه به نړۍ ته ډېر ژر رښتیا ښکاره کړی چې په حقیقت او افسانه کې څه فرق دې.

له دې وړاندې د دفاع وزیر خرم دستګیر ویلي و چې پاکستان القاعده ته ماتې ورکولو لپاره د امریکا مثالي مرسته کړې ده.

خرم دستګیر په وینا چې امریکا د پاکستان فضایي حدود وړیا کارولې.

ده وویل: ''پاکستان ته د عدم اعتماد او د تورونو علاوه څه ملاو نه شو.''

په دې لړ کې د بهرنیو چارو کار پوه حسن عسکري وایي، د امریکا ولسمشر د ټویټر له لارې سختې نیوکي کوي چې هېڅ صحیح طریقه نه ده ولې چې د پالیسو د اعلانولو په اړه د امریکا انتظامیه خپله طریقه لري.

نوموړی وايي: ''د امریکا ولسمشر لخوا چې کوم بیان راغلی دی نو دا پر پاکستان سخت تنقید دی خو زما په خیال دا یکطرفه دی.''

ده وویل: ''دا خبره سمه ده چې د پاکستان پالیسۍ له امریکا پالیسۍ سره په مکمل توګه سمون نه خوري، د دواړو په نقطه نظر کې فرق دې خو د فرق باوجود دواړو په ماضي کې له یو بل سره کمک کړې او له یو بل لپاره مددګاره پاتې شوي.''

عسکري زیاتوي: ''دا یکطرفه بیان غېر دوستانه دې چې له وجې به د پاکستان او امریکا په اړیکو منفي اثرات پریوځي.''

په هم دې لړ کې پخوانی سفیر رستم شاه مهمند زیاتوي: ''د امریکا ولسمشر بیان نتیجه به دا وي چې پاکستان به چین ته نور هم نږدې کېږي او دا خبره د امریکا د مفاد پرضد ده.''

نوموړی وايي: ''پاکستان به نور هم کوښښ کوي چې چین پاکستان اقتصادي راهداۍ پروژه عملي شي ولې چې امریکا د دغې پروژې مخالفت کوي.''

د امریکا ولسمشر د دوشنبې پر ورځ ویلي و چې امریکا له تېرو ۱۵کالو راهیسې په احمقانه توګه پاکستان ته ۳۳بیلیونه ډالرې ورکړې خو اسلام اباد په جواب کې دروغ ویلي او دوکه یې راکړې.

د امریکا ولسمشر تور لګولې چې پاکستان وسله والو ته پټنځایونه ورکړې چې له وجې یې په افغانستان کې وسله والو ته کمک ملاوېږي خو نور به داسې نه کېږي.

ستاسې نظر

تبصرې ښکاره کړئ

XS
SM
MD
LG