د لاسرسي ځای

تازه خبر

کابل - تر هغې وروسته چې د بلخ مستعفي والي عطا محمد نور د روانې اوونۍ د شنبې په ورځ د یو شمېر رسنیو په موجودیت کې خپل د کار دفتر ته ولاړ، د افغان حکومت یوه لوړپوړي چارواکي ویلي، د بلخ د والي په توګه د نور اجرات غیر قانوني دي.

لږ تر لږه دوو سرچینو چې د موضوع د حساسیت له کبله یې ونه‎ غوښتل نومونه یې واخېستل شي، د دوشنبې په ورځ مشال راډيو ته وویل، عطا محمد نور مستعفي والي دی او ډېر ژر به انجنیر محمد داوود د بلخ د نوي والي په توګه، خپل کار پیل کړي.

په ورته وخت کې د بلخ لپاره ټاکل شوي نوي والي انجنیر محمد داوود چې د دوشنبې په ورځ یې له مشال راډيو سره خبرې کولې وویل، د جمعیت او حکومت تر منځ رامنځته شوي اختلافات د حلېدو په حال کې دي.

د مزار شریف ښار
د مزار شریف ښار

داوود وايي، حکومت د بلخ د والي په توګه د ده د ګمارلو په پریکړه کې جدي دی.

نوموړی وویل،: ((د مرکزي حکومت تصمیم قاطع دی، په ځانګړي ډول په دې برخه کې د ولسمشر او اجرائیه رئیس پریکړه، استاد عطا محمد نور د جمعیت ګوند اجرائیوي رئیس دی چې زه يې په ګوندي او تنظیمي مسایلو کې له اوامرو سرغړونه نه‎کوم، خو په حکومتي مسایلو کې به ورسره مشوره کوم، د ده له تجربو استفاده کوم او د سیمه‎ییز حکومت اړیکې انشاالله له مرکزي حکومت سره پیاوړي کوم.))

جمعیت اسلامي ګوند د عطا محمد نور استعفا د نه منلو وړ بولي، خو له دې وړاندې د حکومت اجراییه رییس ویلي، ده او د جمعیت ګوند مشرانو د نوموړي د استعفا په اړه هوکړه کړې ده.

سرچینې د بلخ د والي په توګه د عطا محمد نور د کار دوام غیر قانوني بولي.

د سیمه ییزو ارګانونو خپلواکې ادارې هم اوونۍ مخکې ویلي چې عطا محمد نور د بلخ له ولایته استعفا کړې او د نوي والي انجنیر داوود معرفي کېدل حتمي دي.

عطا محمد نور د روانې اوونۍ د شنبې په ورځ د یو شمېر رسنیو په موجودیت کې خپل پخواني کاري دفتر ته لاړ او اعلان يې وکړ چې د حکومت او جمعیت ګوند ترمنځ موافقې پورې به د بلخ د والي په توګه دنده پرمخ یوسي.

عطا محمد نور
عطا محمد نور

ښاغلي نور ویلي، که حکومت او جمعیت ګوند په دې اړه کومې هوکړې ته ونه رسېږي د ملي یووالي د حکومت تر پایه پورې به د بلخ د والي په توګه پر خپله دنده پاتې شي.

په ورته وخت کې د حقوقي چارو یو شمېر افغان کار پوهان وايي، د بلخ د والي په توګه د عطا محمد نور د کار دوام قانوني ستونزې جوړوي.

د افغانستان د حقوق پوهانو د ټولنې مرستیال سبحان مصباح وايي،: ((د قانون له مخې د بلخ د والي په توګه د عطا محمد نور د کار دوام قانوني ستونزې لري، ځکه چې په دې اړه د ولسمشر صلاحیت ښکاره دی، د دوی ستونزه سیاسي ستونزه ده او دا په ولسمشر پورې اړه لري چې دا سیاسي ستونزه څنګه له‎منځه وړي.))

د افغانستان جمعیت اسلامي ګوند په دې باور دی چې د ملي یووالي حکومت د سیاسي هوکړې له مخې رامنځته شوی او هېڅوک دا صلاحیت نه‎ لري چې نور د بلخ ولایت له مقامه لېرې کړي.

خو مصباح وايي، ولسمشر د حکومتي مامورینو د عزل، مقررولو او د استعفا د منلو صلاحیت لري.

راپور: اکرام الله اکرام، ازادي راډیو

ستاسې نظر

تبصرې ښکاره کړئ

د مشال ویډیوګانې، انځورونه

انځورونه، ویډیوګانې

خياطي يوازي د سړو کار نه دی
تم شئ

هېڅ میډیايي سرچینه اوس نشته

0:00 0:01:17 0:00
تفصیل...
XS
SM
MD
LG