د لاسرسي ځای

تازه خبر

ننګرهار: "جرمونه، غلاګانې او هدفي وژنې زياتې شوي"


جلال اباد - د افغانستان ننګرهار ولایتي شورا يو شمېر استازي او مدني فعالان په جلال اباد ښار کې له جنايي جرمونو او نا امنيو شکايت کوي او غوښتنه کوي چې د ښاراوسېدونکو ته دې امنيت ورکړي.

له څه مودې راهيسې په جلال باد ښار کې جرمونه، انسان تښتونې، غلاوې او ناامني زیاته شوې چې د ننګرهار ولایتي شورا استازي او مدني فعالان یې لامل د ځايي چارواکو بې کفایتي او په امنيتي ادارو کې د فساد شتون ګڼي.

د ولایتي شورا منشي ذبیح الله زمری وايي چې د ننګرهار چارواکو ورته په بیا بیا د امنيت د راوستو ډاډ ورکړی خو تر اوسه په خپلو ژمنو کې پاتې راغلي دي.

د ده په وينا چې څو څو ځله يې د ننګرهار والي سره ناستې کړې او هغه ورسره ژمنې او وعدې کړي چې په ښار کې د تورو شیشو، بې نمبر پلېټه موټرو او بې جوازه وسلې د ګرځولو مخنيوی به کوي خو تر ننه يې دا کار و نه کړای شو.

په ننګرهار کې له څو میاشتو راهيسې حالات خراب دي، هدفي وژنې دي، له خلکو باج اخیستل کېږي. عبيدالله شنواری

دی ادعا کوي:

((په ښار کې چې څومره هدفي وژنې کېږي، ترهګر او انفجاري مواد په همدې تورو شیشو موټرو کې راځي.))

د ولایتي شورا غړی عبید الله شینواری دا اداعا کوي چې د تېرو څو میاشتو راهيسې زورواکي له ننګرهاريانو څخه باج اخلي خو په شکايتونو يې چارواکي غوږ نه ګروي:

((په ننګرهار کې له څو میاشتو راهيسې حالات خراب دي، هدفي وژنې دي، له خلکو باج اخیستل کېږي، چې ننګرهاریان د دې وضعیت نه ډېر تنګ راغلي دي. له ننګرهاریانو څخه پیسې اخيستل کېږي، خو څنګه چې په کار ده، هغسې ساتنه د ننګرهاریانو نه کېږي.))

مدني فعال نوراغا ځواک د ننګرهار د چارواکو کمزوری مدیریت ته په اشاري وايي که امنیت ته کار ونشي او مرکزي حکومت اصلاحات رانه ولي په مدني حرکتونو په لاس پوري کړي:

((زه د يوه ننګرهاري په صفت موږ دوی والي ته د ازاد بحث دعوت ورکړی، د مناظرو چلنج مو ورکړی دی، یوازینی علت دلته د کمزوري مديریت دی. زه فکر کوم چې که د ننګرهار والي په فساد او نورو معاملو کې لاس ونه لري، دا کولای شي چې پوره اصلاحات رامنځته کړي. د ده د کمزوري مدیریت په اساس ننګرهار د بدو حالاتو سره مخامخ دی.))

د ننګرهار د والي ویاند د فساد تورنه ردوي خو د پولیسو کم شمېر، مافیايي او زورواکي د حالاتو د خرابیدو لاملونه بولي.

د ننګرهار د والي ویاند د فساد تورونه ردوي خو د پولیسو کم شمېر، مافیايي او زورواکي د حالاتو د خرابیدو لاملونه بولي خو وایي چې د ننګرهار والی به ډېر ژر د یوې خبري ناستې له لارې له ولسسره پدې تړاو ټول معلومات شریک کړي:

((دغه ټول موضوعات ولایت مقام ته راغلي، کار يې پرې کړی، او لا هم د کار لاندې دي، موږ به دا اوونۍ هغه څه چې د ولس غوښتنه ده، هغه څه چې د ولس ارادې دي، او د ولایت مقام ارادي دي، په دې اړه به موږ ولس ته د خپلو اجراتو مکمل معلومات ورکړو او هم به هغه څه چې ناممکن دي، یا دا چې زموږ پر وړاندې ننګونې دي، ولس سره به دا معلومات شريک کړو.))

XS
SM
MD
LG