د لاسرسي ځای

په سعودي عرب کې د اسلامي ملکونو د پوځي ایتلاف غونډه روانه ده چې د یو څلویښت ملکونو د دفاع وزیران په کې برخه اخلي.

د پاکستان وزیراعظم شاهد خاقان عباسي، د پوځ سرلښکر جنرال قمر جاوید باجوه، د بهرنیو چارو وزیر خواجه آصف او د دفاع وزیر غلام دستګیر هم په دې غونډه کې د ګډون لپاره د سعودي عرب په سفر دي.

پرون (د ګل په ورځ) د غونډې پر مهال وزير اعظم شاهد خاقان عباسي د سعودي عرب د باچا سلمان بن عبدالعزیز او له شهزاده محمد بن سلمان سره ملاقاتونه کړي دي او د دواړو ملکونو تر مينځه په دوه اړخيزه اړيکو ،تجارت دفاع او د سرمایه ګارۍ په موضوع يي ورسره خبرې کړي دي.

غونډې ته د وینا په وخت د سعودي عرب شهزاده محمد بن سلمان د ترهه ګرۍ پرضد د پاکستان د هلو ځلو ستاينه وکړه او زیاته يي کړه چې سعودي عرب او په پوځي ایتلاف کې ملګري نور ملکونه د ترهه ګرۍ پر ضد جنګ کې د پاکستان د تجربو نه ګټه تر لاسه کول غواړي.

د یادونې وړ ده چې د سعودي عرب په مشرۍ ددې پوځي ایتلاف سرلښکر د پاکستان د پوځ پخوانې مشر جنرال راحیل شریف دی.

د ایتلاف لپاره د جنرال راحیل شریف په مشرۍ په پاکستان کې د سیاسي مشرانو له خوا اعتراضونه مخې ته راغلي وو.

د فاعي چارو کار پوه لفټېننټ جنرل ريټايرډ طلعت مسعود وايي چې پاکستان له وړاندې د ترهه ګرۍ په ګډون په هیواد دننه او بهر د یو شمیر ستونځو سره مخ دی او باید دداسې ایتلافونو د غړي جوړیدونه وړاندې د احتیاط نه کار واخستل شي.

نوموړې وايي چې ((د پاکستان هڅه خو به داوي چې د ايران پر ضد هېڅ يو منفي پاليسي نه جوړوي او دا به هم کوشش کوي چې په دې اتحاد کې داسې څه کرادار ادا نه کړې چي د ايران او پاکستان اړيکېورسره خرابې شي. خو که داسې اونشي نو بيا به پاکستان د بهر سره سره په کور دننه د فرقه ایزه شخړو سره مخ شي. ))

ايران د دې پوځي ایتلاف برخه نه ده.

د دفاعي چارو یو بل پوه اسدمنیر وايي ایران او پاکستان ګاونډي هیوادونه دي نو له دې کبله باید پاکستان ایران په اعتماد کې واخلي.

ستاسې نظر

تبصرې ښکاره کړئ

XS
SM
MD
LG