په کوټه کې د مشال راډیو خبریال وايي، بلوڅ بېلتونپالو وسله والو ډلو خبري رسنیو ته خبرداری ورکړی وو چې که د اکتوبر تر ۲۴مې یې د دوی خبرونو ته هم ځای ورنکړ نو پرضد به یې ګامونه پورته کوي.
د پاکستان حکومت په نشنل ایکشن پلان کې د یادو بلوڅو ډلو له خوا د ورکړل شویو خبرونو پر خپرېدو بندیز لګولی وو.
د بلوچستان خبریالانو اتحادیې مشرانو له حکومته غوښتنه کړې ده چې د دوی غم دې وخوري.
د دغه صوبې اعلا وزیر نواب ثنا الله زېري ویلي چې دوی به د خبري رسنیو د امنیت ساتنې لپاره ګامونه پورته کوي.
