د پاکستان حکومت د تيلو قيمتونو زيات کړي دي.
پرون له ماليې وزارته په خپره شوې خبر پاڼه کې ويل شوي دي چې د بيو د لوړولو امر وزيراعظم شاهد خاقان عباسي کړی دی.
د پټرولو او ډيزلو په يوه يوه ليټر کې دوې دوې روپۍ زياتوالی شوی دی.
د خاورو د تيلو د يوه ليټر قيمت ۴۸ روپۍ ټاکل شوی دی.
سر له ننه یاني د اکتوبر له لومړۍ نېټه به د پټرول د يوه ليټر بيه درې اويا روپۍ او پنڅوست پيسې وي او ډيزلو يو ليټر به په نهه اويا روپۍ او څلوېښت پيسې خرڅېږي.
د پاکستان حکومت دا ګام په نړيوال بازار کې د تيلو د لوړېدونکيو قيمتونو په رڼا کې اخستی دی.
په نړيوال بازار کې د تيلو د يوه بيرال بيه ۵۱ ډالره ده.
