د لاسرسي ځای

د افغانستان په اړه د امريکايي تګلارې د اسلام اباد او واشنګټن پر اړيکو اغېز


د افغانستان او جنوبي اسيا په اړه د امريکا د نوې تګلارې په غبرګون کې پاکستان ويلي چې هېواد يې د ترهګرۍ ضد جګړه کې ډېرې قربانیانې ورکړې خو په پاليسې کې دا خبره له پامه غورځول اسلام اباد مايوسه کړی دی.

د امريکا ولسمشر ډونلډ ټرمپ د سېشنبې په ورځ د خپلې انتظاميې د نوې تګلارې د اعلان پر وخت ويلي وو چې واشنګټن په اربونه ډالر پاکستان ته ورکړې خو اسلام اباد هم هغو ترهګرو ته پناه ورکړې چې امريکا يې پرضد جګړه کوي.

له دې يوه ورځ وروسته د امريکا بهرنيو چارو وزير رېکس ټېلرسن په واشنګټن کې خبريالانو ته وويل چې که پاکستان خپله تګلاره بدله نکړي نو ښايي د واشنګټن له له خوا ورکېدونکيو مراعاتو محرومه شي.

د افغانستان او جنوبي اسيا په اړه د ټرمپ انتظاميې نوې تګلارې پر پاکستان فشار زيات کړی دی.

پوښتنه داده چې ايا دا به اسلام اباد او واشنګټن د محازارايي پر لور بوزدي او که څنګه؟

دا او نورې پوښتنې د مشال تر رڼا لاندې بحث کې په اسلام اباد کې د دفاعي چارو پوه بريګېډيير سيد نزير، په پراګ کې د مشال راډيو انګريزي څانګې خبريال او څېړونکی ابوبکر صديق او د پاکستان او افغانستان له يو شمېر نور پوهانو سره بحث شوې دي.

XS
SM
MD
LG