د لاسرسي ځای

تازه خبر

په هرات کې د سلما بند پر ساتونکي ځواک برید شوی دی چې پکې ۱۰ افغان پوځیان وژل شوي دي.

سیمه ییزو چارواکو د یکشنبې یا اتوار پر ورځ مشال راډیو ته وویل، د بند پر ساتونکو د شنبې پر ورځ برید شوی دی.

د هرات د چشت شریف ولسوال فرهاد خادمي د افغان پوځیانو وژنه تایید کړه او و یې ویل چې یو پوځي ژوبل دی او په ځوابي ډزو کې څلور وسله وال هم وژل شوي دي.

چارواکي وايي، په چشت شریف کې د سلما بند د ساتونکو او د وسله والو نښته شاوخوا دوه ساعته روانه وه.

له سلما بنده برېښنا هم جوړېږي
له سلما بنده برېښنا هم جوړېږي

د هرات امنیه قومندانۍ ویاند عبدالاحد وليزاده وايي، سیمې ته یو شمېر ځواکونه لېږدول شوي دي.

سلما بند د هند په مالي مرسته جوړ شوی دی چې په ۲۰۱۶ز کال کې د هند وزیر اعظم نرېندرا مودي او افغان ولسمشر محمد اشرف غني پرانیست.

د دې بند په جوړېدو ۲۷۰ میلیونه ډالره لګېدلي ول.

مودي دې ته د هند او افغانستان ((د دوستۍ بند)) نوم ورکړی وو.

د سلما بند پر ساتونکو د برید ذمه واري چا نه ده منلې.

د مشال ویډیوګانې، انځورونه

انځورونه، ویډیوګانې

د هند مشهوره فلمي ستورې سري ديوي مړه شوه
تم شئ

No media source currently available

0:00 0:01:29 0:00
تفصیل...
XS
SM
MD
LG