د کورنیو چارو وزارت ویاند صدیق صدیقي نن مشال راډیو ته وويل چې لومړي معلومات ښئ چې يوه مېرمن وژل شوې او اته کسان ټپيان شوي دي.
د تایمني سیمه د کابل له نوي ښار سره نېږدې ده او د ګڼې ګوڼې سیمه ده.
فرانس پريس خبري اژانس رپورټ ورکړی چې د چاودنې هدف يو بس وو. دې اژانس د کابل يوليسو ویاند له خولې ويلي چې دوی د پېښې په اړه پلټنې کوي او کيدای شي د مړو او ژوبلو شمېر زيات شي.
د تېرې چارشنبې یا شورو پر ورځ د کابل پر سردار داود خان روغتون په وسله وال برید کې ۴۹ کسان وژل شوي ول.
تر اوسه کومې وسله والې ډلې د دې بريد ذمه واري نه ده منلې.
